發泡膠飯盒 vs 黑椒牛柳絲炒烏冬

千年才食一次的飯盒，早有考慮過個發泡膠盒會溶的問題，只是向來都是考慮，直到睇過一個測試，發泡膠盒放乾炒牛河真的熱溶個膠盒，幾驚...

今日就係千年一次既食飯盒日，奢望黑椒牛柳絲炒烏冬冇乾炒牛河咁熱啦...喺權發買$24一盒既下午茶外賣，嘩，好有心呀權發，個飯盒底加咗塊錫紙，唔知係咪家陣所有發泡膠飯盒都有加既呢。

我留意到所有自稱低卡低糖既飲品既味都係差唔多，就係唔好味，忌廉原本好好飲家嘛。唉。

Sharing

能夠和口味相近的人同枱食飯，我認為亦是福份的一種。

大家可以分享同一碗魚肉碗仔翅，同一碟炒麵，同一個麵包...唔同的A, B, C餐來減低風險...

口味相異而同枱食飯的，重share啲乜，小平話: 唔通share啲白飯咩...

戒維他檸檬茶

第一日。

食肉獸去食素

早起的小鳥有虫吃，遲來的大嬸坐路口。
是日大嬸吃興生飯齊賀老友m，選址雅蘭中心的常悅素食。



路口非吾願，我盡量把視線投向左邊吧。








再把視線移向食物吧，
五柳仙班 - 個人喜歡街邊炸蕃薯多啲。





越南扎肉卷 - 如果係真的就好啦...
這個幾淡兼寡...
原籠荷香蒸珍菌 - 睇落幾油，食落都油。
最後來的炸物-風沙黃金豆腐，若非得天獨厚，最後上的食物通常難逃食剩的宿命，這個原全睇得出係走此路線。重係好壯烈嗰隻添。

來張食物大合照。

今晚的餐單。 芝士白汁焗露筍同上菜紙上冇提的粟米粥我吃很多。

重點是，祝m心想事成，事事如意...大嬸新年賀詞源源送上。。。

在麻布茶房吃宇時金治

年頭和Juvena吃興生飯選址在麻布茶房，為的不是這個
.
.
.
.
.
.
.

也不是這個
.
.
.
.
.
.
.
.


是這個了。

在食物中感受幸福

マリア 在誌上提及在超市購了產地皆是Hokkaidou的食物很是高興，我不會知道它們味道是否真的超讚，但我會相信它們是真的安全，明顯地マリア多少是為此而高興。

金牛座的小平有芝士蛋糕食

信用咭公司送給小平的生日禮遇 - 龍島的5吋芝士蛋糕。




蛋糕好看亦好食，但芝士實在太滯，而牌上的幾個字委實很醜，還是喜歡台灣人把中文字寫得圓圓，怪可愛的。
.
.
.

小平我出年都要食龍島芝士蛋糕。

又關菠蘿炒飯事

吾友大頭S最近有喜事一宗，內歛的佢，只道是小事一則，為了配合小事一則就小吃一餐啦。

初次到Parkview，我點了這個，落了蜜糖的豬頸肉不及泰式惹味，嗰個三文魚蘋果沙律，雪味很重，炸芝士薯仔，不如換炸薯角啦。

問吾友個蘋果壳食唔食得，吾友話，你會唔會食埋菠蘿炒飯個壳呀，乍聽好似又係喎，查實你會唔會攞住成個菠蘿係度食呀，但係人都會攞住成個蘋果食呀嘛，係咪。咁最后我都冇食個壳。

大頭S吃這個，無驚無險，冇IQ題。

大頭S企圖畫一個笑臉，成功，雖然笑臉在流口水。

甜品很聖誕。


期待大頭S又有其它小事又有得小吃一餐啦。

超市答問 - 木瓜題

逛超市答得最多的係，呢個幾多錢，通常不用動腦筋，今日遇上呢條問題都考起。

亞婆問啲木瓜貼住「夏威夷」，又貼住「中國木瓜仔」，實情係夏威夷定大陸瓜，我定一定神，想到，寞非夏威夷種子，大陸種植。。。

經我第六感再推敲，我好堅定咁答亞婆 「夏威夷」係牌子黎，呢個係大陸瓜。

4月11日 - 午膳在 i thai

第一次試呢間i thai，估唔到係茶餐廳排位兼帶位，一行七人給六人枱加櫈，重要係四人枱扮六人枱，兼冇櫈背，求其食平平地都冇所謂，但唔係今日，要求換枱個哥仔係全埸大把位之下又比張六人散枱我哋七人坐，話明係散枱點砌都得啦，無奈。再要求下才有張真正既八人枱。




攪一輪換位後有得食，最前碟炒粉絲都食得下。



嗰碟有樹葉托底既係燒雞併糯米飯，只記得個個話啲糯米好硬，攪到連芒果糯米飯都冇得食。

個菠蘿炒飯有我認為係茶餐廳碟頭飯必備的三色豆，失色。

遠處碟魚, 之唔係魚一條啦。

左邊碟魷魚算係今餐主角，惹味，燒得香甜。

魷魚近鏡。

呢個見住相都唔記得係乜，好似係好肥的牛尾。

只得碟魷魚食得下加咁既服務，我都唔好意思寫個店家的地址，電話出黎。

有Kinder出奇蛋食

甜CC請我食久違了的Kinder出奇蛋，佢食咗隻砌圖蛋。

我好勁，抽到隻黑仔蛋。多謝甜CC。

嘩黑仔同Pingu係親戚來的，奇。

吉野貓一蚊沙拉

跳完Pure，又想食一人一鍋，但吉野貓的火鍋原來是季節限定的，冇得食呀...

想起朝早在頭條見過的新牛飯推廣加一蚊有沙拉，就滿心歡喜試新嘢，這是食到中途啦...










原來中途已是尾聲，接受不了甜到甩肺的一碗飯，嗰盒所謂沙拉令我對一蚊推廣卻步...

後話:公道講句，如果喜歡甜品當飯吃的話，也算不錯吃既，又如果喜歡奇特酸梅味的話，沙拉也是不錯吃啦。

下午茶在KFC

家下啲嘢真係唔加價都縮水, 通常重一齊出現...

至愛的格格薯塊細的要$9.5重瘦哂添...但離奇地主動比三包茄汁喎, 食茄汁飽嗎?!

Happy happy hot pot night

今次带Pingu打邊爐, 連老友W同S也友情出鏡, W的Links of London手鏈都好上鏡, S如常低調地配合我們...












Pingu 食肥牛呀...











食在金牌火鍋
九龍佐敦白加士街22號永富大厦一樓
2730 7799

食物平均水準以上, 唔計嗰碟鴨舌同送的硬如石頭的雪米糍...


又食又拎, 不亦樂乎, 謝謝W送的eternal nail sticker ^^







歸家見到佢哋四盆, 第二日會唔會有八盆呢...

我都試下天后的火車頭

是日為好友S賀生晨, 選址天后的人氣店 - 火車頭, 有預先訂位, 店家預留了一樓的五人枱給我們, 論食物水準就, 一般過一般, 絕無突出, 算係配合個價錢咁話啦...

都係嗰啲越南嘢咁...

比較弱係軟殼蟹卷, 得個樣之外就甚麼都不是, 同類食材在Rice Paper就比較出色...

咁既價碼, 提供如此場影, 算係有誠意啦...

隨意一角也見心思...

後話：個人而言, 這兒視覺遠勝味覺, 要排大隊才有得吃就要三思了...

來自台灣的太陽餅

體貼的C給我帶來太陽餅, 令我今早有個美味又溫暖的早餐...

後話 : 第一次食太陽餅咋, 外皮鬆脆, 好味, 謝謝C的心意 ^^

開心篇 - 估下係乜

花巧的食物, 要和味道取得平衡非易, 食物要多番折騰才出場, 視覺很掂, 味覺就...

這個花枝招展的是...芒果糯米飯, 第一次見佢咁嘅造型出場...味道是其次, 和施先生一起吃這頓飯很高興...

What did I eat after dance class @Pure last night?

一人一鍋? 兩人一鍋再加一份牛, 一人一鍋咁多咪會重過唔嚟Pure, 唔得咁...

第一次食要了濃湯, 唔...

以後食都改了要清湯, 不錯吃當不想唸去邊啦...

就係呢個吉野貓餐嗱, 有次跳完嚟賣哂, 傷心到呢...

遊深水埗 - 食在維記咖啡粉麵

7/3/2009 - 先來兩碗招牌豬潤麵/通粉...這碗是我的豬潤麵, $21碗, 唔似係一丁麵, 不過問題不大因整體合格有餘, 喜歡湯有酒味, 只是豬潤有點老...路過吃一碗不錯吃, 專登來就...


這碗是小萍的...

我們在這間食...

又有一間喺隔離...

嘩, 仲有多一間, 一條街有三間呀, 利害!!!

果然係深水埗名物...

遊深水埗 - 食在譚仔雲南米線

7/3/2009 - 深水埗一日遊以雲南米線作結, 可惜這道蒜泥白肉超多蒜泥...就算叫蒜泥白肉都唔洗咁多喎...

酸辣湯米線有水準, 但整體比較喜歡觀塘那間...只因那時有位凡事都會配合人的飯腳, 記得那時笑很多...