Kanebo Blanchir Superior - White Deep Clear Conditioner (5)

今日買這個，應是用第5枝了，連個裝潢都剛改了，這個補到濕而唔漉，好用。
++
送咗兩包丁方咁細的Sample - Whitening Conclusion過我試用，如果我塊臉得個桔咁細都可能試到效果既，我估。

Skin Ceuticals - Hydrating B5 Gel

用完這個，這個小平用後盛讚送我的Hydrating B5 Gel, 是Skin Ceuticals 其中一個受歡迎的item。
++
基於膚質有別，我並沒有小平般的果效，即是用完同沒有用一樣，正確用詞係，浪費哂。

愛購物的我們 2

終於在一田第一日減價沒有收穫之下, 今日再進戰場，但小平目標物「超貴防UV太陽帽」影都唔見，再行下行下，不期然想到如果大吉利士，有個好似嗰個「放假返港女生」咁，已被感染唔知情下走去做facial，唔覺意走埋去一田，個衛生防護中心就要「捉」所有去過一田血拼的人仕如我...幾驚，我係驚佢點可能「捉」齊哂啲人呀...真係。。。

愛購物的我們

身在北海道的マリア，新近添置了Ape's magazine/Tote bag，據稱物主是想買個袋，唔覺意送咗本雜誌，我完全明白物主的理念，因我的思維都是走這路線。
++
我跟物主稍有不同的，是呀疏爽物主有再添置同一本雜誌的念頭，欲把這Tote bag作為手信，我都有份添，最後我反建議マリア飲多啲有送贈品的汽水更高興。
++
マリア係日本買這本換算港銀約$150，在港買要約$200。
++
相片攝於北海道マリア房....我估。

福仔239

去萬寜購物常有驚喜，今次送我Q版福仔239和興白花油清幽味...乜個名咁長既。

自用還是送比白花油fans小平好呢！

Jamieson - B50

不如意事十常八九，舊患復發，光吃醫生開的處方仍覺欠缺，在網上看到吃維他命B對治及防此症有效，念及吃維他命B就算冇預期功效也末至於有反效果就走到萬寧格價，想待自己好點，選了Jamieson - B50 原價$70, 家陣$59/樽。

見做特價又平過屈臣氏，打孖入貨。

期望有效啦，咪又放假養病，可憐。

開口中之- 佢係邊個

剛話完梗係抽到最樣衰既，就比我抽中，連名都唔知呀，陰公。

細菌小子離我好遠呀！

推動經濟二之購物在青衣城

復活假第二輪購物，共抽得青衣城最安慰獎三份，另尾二安慰獎一份。

尾二安慰獎乃Smartech 的Mini Dehmidifier 「環保抽濕盒」，當盒內的藍珠變粉紅色，表示此盒要烘乾後才可再用，烘乾方法乃係再儲電，而儲電需時係..........8 - 10 小時或以上，嗰個「或」字真係可圈可點。

推動經濟一之購物在太古城

最愛換嘢，今次有T恤換，有玩具影，開心。

質料麻麻過麻麻，純粹用$20買個紀念。

Dah Sing Doraemon Card & Multi-Cooker

我原意只是要張Doraemon Card，但唔覺意簽咗份迎新禮品返來 - Doraemon's Multi-Cooker。。。











真身係咁，但居然全家冇人肯要，

小平話，梗有人新居入伙會要既...偉人話Xmas抽獎交換禮物啦，不失係一個想冇哂朋友的好方法吓。。。

我又信人之吸濕雞

當格價買吸濕大象, 發現雞仔牌都有<超強力除濕雞>, 重平好多添, 爭扎之際, 呀sale嬸嬸就話, 大象廣告多先咁貴, 雞仔啲吸濕嘢都好好, 就係咁, 就買咗相中嗰堆...
後話: 個sale嬸嬸睇緊雞仔牌個檔, 梗係話雞仔得啦, 之不過, 嗰盒備長炭有日本製三個字, 唔衰得去邊既, 另外幾盒就, 天意啦...