做個紀念 1

1) Channel Cristalle Eau De Toilette，第一次做伴娘時，新娘蜜月歐遊帯回既禮物。係時侯要捨棄早已乾涸既香水。

2) 3M Scotch，逛曼谷時買比自己既。

3) L'OCCITANE ROSEBUD HAND CREAM，都係逛曼谷時買比自己既，收益包含慈善用途，附有一張"HAPPY NEW YEAR 2010"賀卡，很喜歡卡中既少女，買時這是最後既一套 ROSEBUD，全為了粉紅裙少女而選氣味有點搶既 ROSEBUD。

手語

一季既手語課程剛完結，現該有幼稚園程度。

原來手語有分國界既，老師話香港既中文手語係源自上海。

英文手語我都想學。

我既Once upon a time在緩媛更新中。。。

另一個我

月頭逛咗去曼谷，事前在網上先逛一圈，見人家的blog真係幫到手，我係咁意返嚟都寫一個啦 Once upon a time。

在地鐡我遇上4 - 戚然

在地鐡入閘機前，我看到旁邊既呀伯試圖把大銀直接「塞」入個入閘機喥，我都冇理到是否唐突就話「去前面啲機喥買票...」，加上手指指給他。

我照樣入閘，但要看畢呀伯完成所有購票，入閘的過程才能安然繼續前行。

六點挂的八號風球 - 巨爵

「穿戴聽看網不盡」blog 寫:

無良兼賤格的僱主我不是沒見過，不過高處未見高倒是真的。明知六點都掛八號風球了，但偏就要你過了六點，才放你走。真是仆街中的仆街。

+++

昨日公司既指示係除住離島及遍遠可提早走，其餘的要挂正才可走...明明記得以前係有理冇理都可早走既。

忽然中秋

今夜看見零星彩燈散落在屋院既大樹下，想起近期常見既四個字「一期一會」。初遇這四字覺得好有意思，當見到近四十次就乜意思都冇哂。


今夜吃得太多了，現在有點呆呆滯滯。

在地鐡我遇上 3

朱古力人。

手拿三大袋紅白藍膠袋，圓領短袖汗衣和短褲，已看不出原有的顏色是甚麼，但一定不會是黑，因啡色唔會冚到黑色，此等日久積累的啡，和她的髮色，膚色，已達融和之境，欠的只是一餅長髮。

基於只是看似拾荒者，沒有拾荒者的「氣」息，朱古力人的出現，並沒有做成很大的「民族」遷徙，只輕輕地在擠逼的車廂中滕出了一片空間。

看著朱古力人五指牢抓扶手柱，扶手柱和我就咁緣盡於此。

沿途相安無事，就在我身旁位置滕空既剎那間，朱古力人邁向我身旁，然...後...坐...下....

就咁，無啦啦未到站又要提早落車，唉...

在地鐡我遇上 2

手拿樽裝氣水，來回度步地在車廂中講電話的一位年輕人，如此這般很正常，但一放下電話，在我面前既那一位T-shirt，短褲，人字拖既年輕人，仍然在來回度步於同一車廂中，立時令我有不安感，此時更飲起手中的氣水，和他只有三步距離既我，想到若果佢突然倒啲氣水出嚟，君子不立危牆下，即時棄位走到另一車廂，接著見到陸續有人移走，此時我更認真到落車等下一班車。

觀其外表，神態，我聯想到是服了藥物影響了神智，是真是假，都浪費了生命！

在地鐵我遇上 1

小平話最近搭地鐵都只會用布袋，因在車廂內人迫迫，若用上皮袋，印上別人的汗漬，會眼火爆，唔覺意留下別人的氣味，就掉咗個袋把啦。

今朝我遇上的，就是比掉咗佢算的情形更嚴峻，因我唔可以掉咗佢算咁灑脫...嗰隻係我手臂呀...

事情係，站在扶手電梯右方的我，突然有一陣濕漉漉的物體在我手臂掠過，然後一背心大叔在道歉聲中遠去，唉....我今日著既都係背心咁既一件上衣，即時狂找袋裡的消毒濕紙巾來抹去實質及心靈的厭惡。

點解偏偏要遇上...

哈爾移動呀婆

曾有段日子，每個返工的早上，都會見到呀婆，甚至呀公，以身子亙碰，只為爭得途人手中那一份報紙，接報後有禮回說一聲的，總令我有想比多兩份佢的念頭。

另一常見經典場面是，呀婆們要閃避驅趕她們的工作人員，好些工作人員是好言相勸，但惡言厲色的，亦平常，呀婆們遠遠見到工作人員就不停地移位，又歸位，令我想到哈爾移動城堡。

最近我又固定地比報紙一位很有禮的女士，我還決定把家中的舊壹周刊一日一本給她。

電話。對話

ee :　我睇中部 Sony Ericsson 電話有800萬象數影相工能，

小平：幾時買，

ee :　等佢出咗之後一年，

小平：做得好。

Personal Trainer (PT)。對話

Maggie : 你重有冇用PT，

ee : 冇嗱，好辛苦架，

Maggie : 咁你重會唔會再用，

ee : 家陣跳跳都夠，停咗發脹，不過如果，手頭好鬆，衭頭好緊，我都會用，因為都有效既，如認真咁跟PT。

Maggie : 啊。

緑化香港。彌敦道

喜歡這個似聖誕樹的植物，同時亦替它們辛苦，24小時吸廢氣啊。
++
不知在那一個下次路過此處會失去了它們的蹤影。

舊事。2008-3-15 花展

當日只帯了電話，就輕輕的拍了數張。

















取景拍照唔慢既我，曾很咀喪為何別人不在意照片的構圖兼笑到面硬還未拍到，真心話是現在仍在意，轉變的是，我小了出鏡，多了拍別人。

知佢係邊個啦

ee : 我知佢叫乜名嗱，同事話佢叫咖喱包，我重以為佢叫豆沙包，

小平 : 你同事講乜你都要信架啦，唔通咬啖試下咩，

ee : 咁...送個咖喱包比你咬啖啦。

++

咖喱包走咗去沙田返工。

++

喜歡你，那雙眼動人，笑聲更迷人...家駒的喜歡你此刻正在空氣中飄盪...

一雙好的鞋

一連收看了兩集J2的韓版「花樣男子」，劇並沒有台灣版好看，起碼仔仔一定是花澤類的第一人選，本來唔覺大S有何過人之處，看完韓版后，驚覺台劇選角得宜，但論場景道具，相比下台劇竟然透著點點寒酸的氣息。追看的目的是作比拼吧了。

++

對白大致相近，冇印象又吸引的對白係韓版閔瑞賢即花澤類的初戀情人同杉菜講:

一對鞋對女人好重要

一對好的鞋會...(嘩，我即時好集中聽落去。)

.

.

.

.

.

.

.

.

會帯你去一個好的地方...(吓，激死，以為是甚麼真知灼見，等我日後買鞋會更高興點，

我都作番句，一句好的藉口，會好順口。)

算術。2054

離奇地新加的StatCounter所顯示的數字，和我所有的親朋戚友加起的數字都唔啱比例，唔通自稱以我個blog送早點的小平一日食50次早點嗎，結果疑團由小臣解開，原來我個blog好榮幸地喺小臣個blog上咗「好友聯播」，明哂。

++

似乎1000000人次是一個大眾指標，我當唔覺意到此一遊的朋友們會繼續到訪，呢一刻有125人次，當60人次一日，1000000 / 60 / 365 = 45 years，好遙遠呀。

救救地球 2

早前收到這個後，我決定暫時唔去OK便利店購物。。。

MSN 對話

マリア :　我加咗相。

ee : 我加咗個meter。

マリア：？？

ee : 喺我個blog最底嗰度。

マリア :　good，有16人次。

ee :　有15次係我嚟架。。。

救救地球 1

雨很大，Pure沒有堂，清理雜物吧，With，Mina 等中文版常有篇幅提到家居整齊潔淨有錢剩，真係信不信由你。
＋＋
枱頭有這個 - Hong Kong Disneyland 三週年生日快樂襟章。呀媽試圖搵人要，不過註定失敗，繼續喺我張枱浮遊。
＋＋
就算唔駛錢都唔駛咁削，唔好話完全吸引唔到人收藏，派嗰陣都唔想收呀。唔明設計既可以以此交功課，批閱既又過到眼。
＋＋
Hong Kong Disneyland如能派一些高質素的紀念品相信可以為地球生態出一分力。那怕是一張漂亮的貼紙吧。