改變常改變

鴻福堂送我膠袋一個...做乜鬼。

在地鐡站的鴻福堂食嗰兩粒粉果，本來已比開膠兜一個加膠叉一隻，今日重無端端比多個袋，然後呀姐姐仔答句相信已經答咗幾百次的「地鐡要求在站內要用膠袋。」。。。即晚睇電視講環保，其中一個回收商講市民心態「要喺衛生和環保取捨，會選衛生。」，明顯地，地鐡已表態求衛生。世事兩難全。

執意棄用港鐡替代地鐡，總有留住青蔥歲月的空想。

+++

和民幫你加糖加奶

平時去茶餐廳飲奶茶要講定少甜，家陣連去和民都要咁做，復活假最後一日去未知轉咗落定糖奶，結果甜到呢杯嘢，好在佢哋肯換過杯比我。

店家體貼，換我一杯奶茶時以小杯子送上糖奶，瞓低既係重用緊既即棄咖啡奶，以前糖奶都係用呢種包裝。

+++

東張西望換主持會關我事嗎？

每當食飯冇嘢睇，唔停咁轉台之際，總有機會停低，捧下東張西望埸既，之前班男主持唔覺佢哋好，但換走哂變咗班女人之後，就好欣賞佢哋帯來的輕鬆氣氛，家陣班女主持，面容僵硬，緊緊張張咁，尤其係嗰個「女主播」「張慧慈」，唔肯定佢個名，坐正中間，極其嚴肅咁，食緊飯都吞唔落咁滯呀我。。。

笑嘻嘻咁做主持唔係幾好嗎。

開口中之- 佢係邊個

剛話完梗係抽到最樣衰既，就比我抽中，連名都唔知呀，陰公。

細菌小子離我好遠呀！

好事成雙

枝Helena Rubinstein - wanted rouge 83 係品牌送的遲來的「生日禮遇」。



枝Dior - 355 迷你口紅係Juvena上回由瑞士返來在機上買來送我的。再次謝謝J。

好日都唔搽口紅的我，明天起要改變一下了。

大手筆的推廣法 - Helena Rubinstein

最近在Helena Rubinstein Sogo 分店取的禮品，當日是零消費，難得店員亦保持禮貌周周，沒有煩人的推銷商品，枝口紅是「生日禮遇」，雖然用咗兩個月來刻名。。。都係值得等既。

韓國带來的Skin Food

三姊妹都有收到的Honeypot Lip Balm，我好煩惱如何處理枝棍仔，唔通每次用完都要攞去洗。。。

這枝Lip Balm令我有絲絲想去韓國敗家的念頭。

謝謝喜歡食雞胸肉的你。

黑仔有新朋友仔

甜CC今日帯咗隻甲蟲「我話係曱甴」返黎，跟住食埋隻Kinder，又食咗隻綠色鼻涕虫出黎，我趕緊同佢哋黎張大合照。

又關菠蘿炒飯事

吾友大頭S最近有喜事一宗，內歛的佢，只道是小事一則，為了配合小事一則就小吃一餐啦。

初次到Parkview，我點了這個，落了蜜糖的豬頸肉不及泰式惹味，嗰個三文魚蘋果沙律，雪味很重，炸芝士薯仔，不如換炸薯角啦。

問吾友個蘋果壳食唔食得，吾友話，你會唔會食埋菠蘿炒飯個壳呀，乍聽好似又係喎，查實你會唔會攞住成個菠蘿係度食呀，但係人都會攞住成個蘋果食呀嘛，係咪。咁最后我都冇食個壳。

大頭S吃這個，無驚無險，冇IQ題。

大頭S企圖畫一個笑臉，成功，雖然笑臉在流口水。

甜品很聖誕。


期待大頭S又有其它小事又有得小吃一餐啦。